Бүгүн, 4-декабрда Журналисттер союзунун төрагасы Илязбек Балташев
И.Арабаев атындагы Кыргыз мамлекеттик университетинин журналистика факультетинин студенттери жолугушуу өткөрдү.
Иш-чаранын жүрүшүндө студенттер менен журналистиканын келечеги, маалымат тармагындагы заманбап чакырыктар жана кесиптик жоопкерчилик тууралуу маанилүү маселелер талкууланды.
Төрага өз сөзүндө журналистиканын коомдогу орду жана ролу тууралуу белгилеп, бул кесиптин негизги принциптери – чындык, адилеттүүлүк жана этика тууралуу кеңири айтып берди. Ал ошондой эле, бүгүнкү күндө санариптик журналистиканын мааниси өсүп жатканын, бирок маалыматтын ишенимдүүлүгү жана калыстыгы дайыма биринчи орунда болушу керектигин баса белгиледи.
Студенттер менен болгон маектешүүдө алар өздөрүнүн суроолорун берип, журналистика тармагындагы кыйынчылыктар жана кесиптик ийгиликке жетүү жолдору тууралуу кеңештерди алышты.
Иш-чаранын соңунда төрага студенттерди Журналисттер союзунун ар кандай долбоорлоруна катышууга чакырып, аларга ийгиликтерди каалады.
https://www.facebook.com/share/v/1EunnbjVmq/?mibextid=WC7FNe