Кыргызстан менен Түркиянын журналисттери кызматташат

Анталья, 2025-жылдын 19-майы

Журналисттер союзунун төрагасы Илязбек Балташев Анталья шаарында Түркиянын белгилүү медиа уюму — Антальядагы Журналисттер союзунун төрагасы Идрис Таш мырза менен жолугушту.

Жолугушууда эки өлкөнүн журналистика тармагындагы тажрыйбалар, маалымат алмашуу, кесиптик өнүгүү жана медиа кызматташтыгынын мүмкүнчүлүктөрү тууралуу кеңири пикир алмашуу болду. Тараптар келечекте журналисттер арасында тажрыйба алмашуу программаларын уюштуруу жана биргелешкен долбоорлорду ишке ашыруу ниетин билдиришти.

Бул жолугушуу эки өлкөнүн медиа уюмдарынын ортосундагы мамилелерди чыңдоого багытталган маанилүү кадам болуп саналат.